page
106
Schriben von Ulli Engel auß Penselfania Donigall in Penselfanien
den 7 Xber 1755
Erstlich ein Sägeswunsch und Gruß an den Vatter bruder
schwestern und andere Gute fründen hernach schribt er an sein
bruder Hanß Engel von Sonzibo Gelibter bruder dein schriben
22 min 1755 hab ich bekomen u[nd] daruß Euwri gesundhe[it]
vernomen waß du unß vorrmallen geschriben haben wir
nit bekom[en] Ihr mäldet Ihr habet auch noch keinen Briff von
uns entpfangen wir haben Euch auß Rotterdam geschriben darinen
unsere Reiß den Rin hinab vermäldet den Briff auff die
Post gethan auch haben wir vor 1 Jahr ein Briff hir auß dem
land geschriben worin ein Berich[t] vo[n] unser Reiß über
daß meer auch vom land wir hoffen Ihr würdet den noch
woll bekomen so wollen wir Jetz von der Riß nit Vill mölden
waß euch Herr Hopf von uns gesagt ist war wir sindt glücklich
Ins land komen da wirs begärt haben aber wir haben In einem
ander verunglükten schiff so undergang Vill von unser[en] sachen
verlohren Ich Ulli Engel u[nd] die andrn sindt sambt den unsern
früsch u[nd] gesund a gesünder alß in der schwitz
|